Tripura state riffles eba TSR wngkha haste ni borom. Hakotor ni kubuni naimwthang bodol hai no TSR rok no haste no kaham khe naikolwi tongo. Tripura haste ni Countering terrorist activities oh borok ni yakumu no phunukkha TSR rok, aborok no borom ni kok. Phasalo RK Nagar TSR ni 2nd kotor habanogo songchajak Tripura state riffles ni 14-15 no battalion ni passing-out parade ni pandao manjagwi abohai no sakha haste ni montri okra Dr.Manik Saha. TSR ni 14-15 no battalion o bebagwi sebok tichokjakha 1,413. Aro ni bisingo 458 trained khwlaijak rok no phasalo passing-out parade khwlaijakha. Haste ni law & order no joto bwkhak twi no kwrak khwlaina bagwi Agartala, Udaipur, Dharmanagar, Ambasa Kumarghat, Bilonia o haste haphang TSR Company ni accommodation ni yapri naharjaknai hinwi sakha montri okra. Aboni yagulo montri okra teibu sakha, haste ni beser beser ni kami rago naimwthang bodol ni sep sap rok no sagwirina bagwi barja naharwi samung khwlaiwi tongo TSR camp rok bo. Haste haphangni kwbangma projects no twiwi lukorog no hujak khwlaina bagwi action samung bwtang, sak naikolmung camp, tei kwbangma camp khwlaiwi tongo TSR rok bo. Countering terrorism activities o borok ni yakumu no phunugwi tongo TSR rok. Khursathai kwlaio hakotor ni bisingo 4th state wngwi 2011 bisi o ‘President’s Color Medal’ ni borom mankha Tripura police tei TSR rok. Bharat haphangni tangbedek raida no rwgwi New-Delhi o nangkukmani barja naharwi samung khwlaiwi tongo TSR.Phasalni ah pandao montri okra no karwi bo manjakha Tripura haste ni chief secretary JK Singha, State Director General of Police Amitabh Ranjan, West District ni Superintendent of Police Kiran Kumar K.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
