2014 bisi o hakotor ni montri bokhorok ungwi samwng yachagwi naharmani ulo’sabka sath sabka bikash’ah slogan no bwskang o tonwi hakotor ni joto loku rok ni kaham hamkwrai ni bagwi samwng khwlai thang kha montri bokhorok Narendra modi. tei montri bokhorok ni logi haste hapang ni naikol mwng o samwng khwlai thangwi tongkha UCO bank. kwrak salo rajakhor aguli ni sukanta academy o UCO bank ni bwkhak twi songsa jak mani panda o kok narugna phuru abo hai khe no samani nukjak kha haste ni montri okra Dr.Manik saha. bo teibo saklai kha, agi rogo tong kosong loku rok ni bank account kwrui tongmani phiya ba 2014 bisi o montri bokhorok ungwi samwng yago nahar mani ulo, puila oh no hakotor ni joto thai ni loku rok ni bank account khulug na bagwi gosimwng rwkha. ayang phasing twi hapang no joto ni swlai logi rwkha UCO bank. tabuk sak jora UCO bank ni bwkhaktwi 2 crore 11 lakh rang ni loan bo rwjak kha hwnui sakha montri okra. sathai kwlai o, tabuk ni haste o 51 thousand’s 254 bodol ni bwkhaktwi kami amchai rogo 4 lakh 66 thousand’s jona bwrui rok gwdal jak, abo ni bising o 19 thousand’s 954 jona songduk bosong ni bwrui rok tei 9 thousand’s 68 jona tapashili jati bai gwdaljak bwrui rok tongwi tong o. ah salni panda o montri okra no karwi bo phawi manjak phai kha Tripura gramin jibika mission ni CEO Dr.Brahmaneet kaur, UCO bank ni General Manager Ranjit Singh, UCO Bank Executive Director VN Kamble ni logi UCO bank ni joto samwng khwlai nai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
