samung tangnai rogni kokno wansogya karwi kotor kotor kok simi sao agini haste haphang. himbotok rogo samung tangnai rogno himri phano samung tangnai rogni mungsa riya. tripura hasteni chamung godam oh samung khwlaina roni mothani bwkhaktwi songsajak kaisa pandao manjakgwi omo haino sakha hasteni chamung tang bedekni montri Sushanta Chowdhury. ah salni haste rwk koklam pandao manjak kha majdhur monitaring cell ni achukphang Biplab Kar. hasteni chamug tang bedekni samung tei ration ni samung rogno kaham naikulmung rina bagwi samung khwlaiwi tongo hasteni chamung godamo samung khwlainai rog. phiya thangnai bisi nwi chiba rwkgwi mungsabo kaham sep manliya oh smaung khwlainai rog. 2023 bidhansabha ni chongmario kwplai wngwi hasteni chamung tang bedekni barja naharma yagulo hasteo ration oh samung khwlainai 636 jona samung tangnai rogni bagwi kaham yapri nahar kha montri sushanta chowdhury. osa mwtaino kitingwi omo no puila chamung godamo samung khwlainai rogni bagwi 2 thousand rang rikha haste haphang. haste haphangni omo hai kaham samungno hambai yapharkha chamung godamo samung khwlainai rog. godamo samung khwlainai rogno 2 thousand rang osa mwtaini jorao rima bagwi koktisalo haste haphangno hambai yapharna bagwi kaisa himbotokbo khwlaijak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
