Haste ni blood bank rogo thwi ni beyal ungya twi abo ni bagwi sarkari joto tang bedek ni logi besarkari tang bedek tei hoda naikol nai motha ni bwkhak twi sak tharwi thwi rwna ni bagwi kobok mwng khwlai mani haste ni montri okra Dr.Manik saha, tei montri okra ni kok ni kahai no haste gwnagui dal bidal motha tei club ni bwkhak twi sal burum burum no sak tharwi thwi rwmani panda songsa jako.tabuk khe abo hai kaham samwng khwlai mani nukjak kha kaisa hoda naikol nai motha”Sadbhavna”.sa thai kwlai o, 2018 bisi o chengsai rwmani ah motha. lai thanai bisi ba oh kwbang no sal tharwi thiw rwmani panda khwlai kha ah motha. cha salo tong mani 10th sak tharwi thwi rwmani panda.ah salni thwi rwmani panda o nograi okra ungwi phawi manjak phai kha thung tang bedek ni montri Tinku roy, agartala pura nigam ni mayor Dipak majumdar, pradesh BJP ni achugphang eba hoda naikol nai Rajib bhattacharjee akosong.ah salni panda o kok narugna phuru montri Tinku roy saklai kha, Tripura haste ni loku rok ni wansuk mwng belai khe no kaham,oh haste ni loku rok sak baithang phawi thwi rwmani bo nuk jago.phiya ba tabuk haste o phekjak nai manwi ni simi sikla hoda no bobo hai khe mwthangwi man nai abo no tabuk hapang ni logi hoda naikol nai motha rok no bwskang o phawi samwng khwlai nani nang nai. chung je hoda rogo tongwi tong kha chini naikol mwng kaisa naitho thok hoda swnam nani,taklai bisi i OSA mwtai ni jora o dal bidal club tei hoda naikol nai motha samwng khwlai kha, abo rok no chini swlai mwng, ah salo sak tharwi thwi rwmani panda o kok narug na phuru abo hai khe no samani nukjak kha pradesh BJP ni achugphang Rajib bhattacharjee no. phiya sak tharwi thwi rwmani panda ya, abo ni logi saknaikol mwng panda songsa jak mani nukjak kha motha ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
