Tripura hasteo kamla tei lebo rog wngkha belaino ajimung rinai kaisa bwthai. phiya kamla chas khwlaima rogno agi haste haphang aswk naikul liya. bisi kwdwkma rwkgwino killa , jampui tei jampuijala amchai rogo kamla kaham khe chas khwlaijakgwi tongphano amono kahamkhe naikulna bagwi mungsa samung khwlai liya agini haste haphang. udaipur bwkhasteni killa tei jampui jala ni kamla rogno GI tag rina bagwi chaitokgwi tongo haste haphang. salgra hathai kotor amchaio haste rwk kamla ni tero pha salo manjakgwi omo haino sakha hasteni hukbar tang bedekni montri Ratan lal nath. ah salni panda teibo manjak kha bagma kendrani MLA Rampada Jamatia , matabari kendrani MLA Abhishek Debroy tei kwcham MDC Joykishore Jamatia no khobwi hukbar tang bedekni kubuni ojama rog. ah salo kamla ter no rwksai kwbangma lukurog aro phaiwi manjakma nukjak kha. ah salo montri Ratan Lal Nath sai khwnarikha kamla chas khwlaimani bisingtwi lukurogno ajimung rina chaitukgwi tongo haste haphang. hakotor tei phatar hakotorni kwbangma thaio hasteni kamla phaljakgwi tongo. tei kwcham kamla bagano naikulna bagwi MIDS sepni bwkhaktwi killa amchaini khorok nwira nwi chi brwi eba 224 jona hukbar khwlainai rogno 20 thousand khwlaiwi rang ni chuba chu bo rijak kha hinwi sakha montri Ratan lal nath. pha salo ah kamla ter oh bebagwi khong brwi chi kamlani phal nog achuk kha. hasteni hukbarni kaham halokni bisingtwi hasteni lukurogni bo kaham wngnai hinwi kha khwlaijak kha tabok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
