Phasalo Kokborok FM channel ni sal khama panda no hai no chengsawi rina bagwi aulini ALL India Radio ni tangphang ni thani deputation rilaikha Yakhurai bodol ni members rok. Deputation rinai rok ni bisingo khorok sa borok sakha, thanai bisi chi ramwi sal kama panda kaham khe no choliwi tongmani, tei lukorog oh panda no belai no hamjagwi tongmani, tamoni hnk dalbidal kwbangma topic no twiwi salbrom no lukorog no sawi tongmani eba lukorog no hujak khwlaiwi tongmani, phiyabha thanai 2023 bisi ni july talo sal kama panda no atomsa khe mwthagwi rikha. swkango salbrom no phungni 6 am ni simi 7.30am jora choliwi tongmani oh panda, phiyabha tabok hatio wainwi rok cholio tei abobo 30 minute rok ni bagwi simi cholio. Aswk lukorog ni khachuksa panda no abohai mwthagwi rimani bagwi belai no kha-dulaijak sal kama panda khwnanai rok. Aboni bagwi abohai lukorog ni hamjakmani panda no hai no hai chengsawi rina bagwi phasalo All India Radio ni thani deputation riphaikha Yakhurai bodolni members rok. Borok montri bokhorok tei haste ni montri okra ni thani koikha oh lukorog ni khachuksa sal kama panda no chengsawi rina bagwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
