Phasalo kaisa panda ni bising twi Teliamura Santirnagar Saradamoyi Vidyapith english medium school ni kwtal paka nogno phiyogwi rikha amchaini MLA-jwk eba haste bidhansabha ni hujakphang Kalyani Saha Roy. Bisi chi ba swkang rwngnog swnamna bagwi sak baithangni thai no rikha Santirbazar amchaini khorok sa borok. Aboni yagulo bini bwma ni mungwi no rwngnog ni mung khwlaijakha. Puila oh rwngnog bangla medium tongmani, tabok haste haphangni chaitokma bai tei MLAjwk Kalyani Saha Roy ni chaitokma bai oh rwngnogno english medium khwlaijakha. Oh rwngnogni hamkrai ni bagwi Bidhansabha o bo kok tisakha mlajwk. Aboni yagulo 2022 bisi o haste ni kwcham rwngmontri ni chubachu bai oh rwngnogni kwtal paka nogno swnamnani yapri naharjakha.Phasalo oh kwtal pakanogno phiyogwi rikha Teliamura ni MLA-jwk eba Tripura bidhansabha ni hujakphang Kalyani Saha Roy. Asalni pandao MLA-jwk no karwi bo manjakha Teliamura municipal council ni chairman Rupak Sarkar, Teliamura bwkhaste achukphang Abhijit Chakroborty, bwkhaste rwngnog naikolphang Biswajit Debbarma, Saradamoyi Vidyapith rwngnogni headmaster Amar Datta no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
