Joto phasing twi no twruk twruk khe teibo phan ungwi sakao kasai tong kha chini Tripura haste. tabuk ni haste hapang ni jora o Industrial ni samwng rogo kaham no nukjakha Tripura oh. oh haste ni rang aji nani kaisa kaham lama ung kha rubber.2023-2024 bisi ni budget o rubber tei Agar wood ni phasing kaham khe no samwng bwtang yago nahar kha Tripura hapang.Tripura University oh North East India Commerce and Management Association ni pha salni panda o abo hai khe no samani nukjak kha, haste ni ahh,malmata tei tapashili jati kalyan tang bedek ni montri Sudhangshu das.ah salni panda o phawi manjak phawi Tripura university ni vice Chancellor Gangaprasad Prasain, Arts tei Commerce department ni okra naikol nai Dr. Shyamal Das, science department ni naikol nai Dr.Badal kumar dutta tei Dr.Dipak sharma. Tripura haste ni economy no twi kok salai mani nukjak kha.borok saklai kha, Oh bisi o Tripura hapang ni GSDP thangwi sogwi kha 8.95% o. 2022-2023 bisi o abo tong nai 8.80% oh. abo ni logi hapania ni kwtal’Unity Mall’no twi bo kok narugkha montri Sudhangshu das.bo saklai kha, hakotor ni montri bokhorok Narendra modi ni sep bai’One district, one product’samwng bwtang ni bising twi tripura haste ni G.I. manwi khwnui tei nangkuk mani manwi ni logi yak bai swnam jak manwi bo phal jak nai, unity mall samwng bwtang soi ung khe Tripura ni sebok sikla sikli rok samwng rok man nai hwnui bo wansuk mwng montri Sudhangshu das ni. tabuk no puila tripura university o songsa jak mani seminar o phawi manjak phai kha Tripura hapang ni ahh,malmata tei tapashili jati kalyan tang bedek ni montri Sudhangshu das, abo ni bagwi university ni vice Chancellor Gangaprasad Prasain no hambai yaphar kha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
