Aulini Dhaleshwar ni Ramkrishna Vivekananda Vidyamondir o kwbangma jwngjal nukjakha. Sal kolokma ramwi rwngnogni tangphang rok ni thani kwbangma jwngjal rok no twiwi kok sakha swrwngnai swrwngnaijwk sngni bwma bwpha. Phiyabha rwngnogni tangphang rok mungsa fano kaham yapri naharya. Aboni bagwi swrang salo rwngnogni bwskango kothumlaikha joto rwng swrwmngnai sngni bwma bwpha rok. Asalo koktwna thumnai rok ni bwskango swrwngnai rok ni bwma bwpha sng sakha, haphangni projects ni bising twi oh rwngnogno bangla medium ni simi english medium khwlaijak phano, rwngnogo english bai class khyriya. Abono karwi bo joto ni sai kotor issue wngkha rwngnog ni safety. Khursathai kwlaio sal kisa swkang no oh rwngnogni 47 fan khogwi twlangkha samung sitra tangnai rok. Phiyabha abo kwtal patimung ya, aboni swkang teibu kwbangma patimung patiwi thangkha oh rwngnogo. rwngnogni boundary rok baijak ni bagwi no abohai patimung patiwi tongo. Dakti dakti no rwngnogni boundary ni wall swnamwi rinani sanlaikha borok. Aboni logi rwngnogni khitai nogbo belai no hamya hinwi sakha. Rwngnogni boundary ni wall simi ya, rwngnog rok no phatiwi tongbaikha hinwi sakha khorok sa swrwngnai ni bwpha. Atomsakhe rwngnogni wall baiwi rwng swrwngnai rok ni sakao kwlaiwi mano hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
