Lama ganao bhathagwi tongnai powja twinai malkhung bai thutaiwi lahar patimungo kwlaikha khungsa mwikhutung twijak lory malkhung. O patimungo mwikhutung twijak malkhung chaloknai Ahmed Ali kisa sago dukhumankha. Bini nog Dharmanagar ni Sakhai bari amchaio hinwi saimankha. O patimung patikha Dharmanagar thana bai khobjak Dharmanagar-Bagbasa lahar o. Kwrak salo TR05A-1761 number ni kaisa lory malkhung Shilong ni simi mwikhutung tubuwi Dharmanagar ni Kamesharai amchaini lamao bathakjak khungsa malkhungno katiwi thangna naiphuru thutairwijakha. Aboni yagulo mwikhutung twinai malkhung philjagwi thangkha. Malkhungo tongmani mwikhutung rok joto sarjagwi thangbaikha. Patimungni koktwma manwi Dharmanagar ni hor bwtharnai brindhiya rok sak dukhumanai no khochawi sakham nogo twlangkha. Amchaini lukorog sakha, Dharmanagar-Bagbasa lahar o kwbangma malkhung abohai khe bathagwi tongmani bagwi no jora jorao lahar patimung wngwi no tongo. Aboni bagwi oh jwngjal ni seplemung sanlaiwi tongo amchaini lukorog. Patimungno twiwi tabok naicherwi tongo Dharmanagar thanani police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
