Hakotor ni joto lukorog ni hamkrai ni bagwi kwbangma projects no phiyogwi rikha kendra haphang. Ah projects rok no haste ni joto ni nog nogo sagwi rwina bagwi bisi sa swkang ‘nog brom brom kaham naikolmung samung bwtang songchakha haste haphang. Thanai 15 november o haste ni montri okra Dr.Manik Saha ni yak ramwi ‘nog brom brom kaham naikolmung ni samung bwtang’ ni Second episode chengsajakha. Oh samung bwtangno mwkthang khwlaina bagwi kwrak salo Agartala municipal corporation ni conference hall o kaisa nangkukmani panda songchajakha. Asalni pandao manjakha Agartala municipal corporation ni mayor Dipak Majumder, commissioner Shailesh Kumar Yadav, municipal corporation ni joto MIC members tei kwbangma ward ni corporator rok no khobui kubuni adongrok. Asalo Koktwma thumnai rok ni bwskango mayor sakha, ‘nog brom brom kaham naikolmung samung bwtang ni logi logi Bharat Sankalp yatra projects no twiwi bo kok sakha. Aulini lukorogno Kendra haphangni luko hamkrai projects ni sep sap rina bagwi kwbangma yapri naharkha borok. Agartala city no 4th zone group khwlaiwi dakti dakti no samung khwlainai municipal corporation hinwi sakha mayor. Khursathai kwlaio phainai 30 november jora haste o cholinai kendra haphangni Bharat Sankalp Yatra tei phainai 2024 bisi ni January tal jora cholinai haste haphangni nog brom brom kaham naikolmung ni samung bwtang panda.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
