Tripura haste ni hoda naikol nai joto samwng bwtang ni sep ni phasing kaham khe naikol tong kha haste ni Bharatiya janata party tei kendriya hapang. kendriya sarak yojona bai kaham lama khwlai na bagwi sep nahar jak kha.tei khak sa phasing khe khorok nwi khorok tham hoda ni samwng hamya khwlai nai rok hapang ni raida ni gosi mwng rok no gosiya ungwi tong kha,Teliamura bwkhaste gana atharomura hachuk ni 43 mile tei gana gini amchai rogo tang salo nugwi man kha abo hai no mangpili. amchai ni lama no naitho thok khwlai na bagwi 216 crore rang rwjak mani Sai Construction ni mwngui kaisa company no. phiya ba company ni bwkhak twi samwng chengwi rwjak phano lai thanai tal nwi swkang Clearance rwoi rwkha borok no, abo ni ulo no kaham khe samwng khwlaiya ungwi tong kha borok.tabuk lama rok teibo hamya rogo kwlai mani bo nukjak kha,atomsa khe patiwi mano kotor lahar pati mwng.Midhili bankundri phai ma bai belai khe no deramwng o kwlai kha lama rok.mwng sa bo sep naharya ungwi tong kha Nitin Sai Construction ni bwkhak twi. abo ni logi lahar kotor ni maintenance ni samwng o kok silsamwng kasa kha Tripura hapang ni PWD tang bedek ni Executive Engineer Anjan das ni phasing bo.kokthum thumnai ni bwskang o joli lai mwng phunok lai kha amchai ni loku rok. Lahar kotor ni maintenance ni samwng o haste ni naikol nai rok no dati khe sep nahar na bagwi kobok mwng khwlai kha Teliamura bwkhaste gana Atharomura hachuk ni 43 mile gana amchai ni loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
