Haste ni samabai ni hamkrai wngkheno haste ni rangthongo bo hamkrai wngu. Luko samabai ni bising twi bahai khe joto hamkrai khwlaiwi mann aborok no Nobel sokat manwi phunugwi rikha Bangladesh. Tripura haste ni hamkrai o Tripura ni samobai samitini nangkukmani yakumu tongo. Ek Tripura Shrestha Tripura swnamna thangkhe haste ni samabai samitini bising twi hoda ni okologo kwlaijak lukorog ni hamkrai khwlaina nangnai. 70 bisi akhil bharat samabai saptah no kitingwi songchajak pandao manjagwi abohai no sakha Tripura bidhansabha ni speaker eba Dharmanagar ni MLA Biswabandhu Sen. Dharmanagar ni Vivekananda Bavan o songchajak panda no naikolkha salgwra hangkhor ni achukphang Bhavatosh Das. Asalni pandao bono karwi bo manjakha haste ni samabai samitini chairman Malina Debnath, Hitasadani co-operative society ni chairman Alkesh Aditya, Salgwra hangkhor ni achukphang Debapriya Bardhan, Dharmanagar municipal council ni chairman Pradyot Dey Sarkar, Kanchanpur shakti samitini member Kamal Krishna Nath, DRCL Anil Debbarma. Tripura no model haste swnamna bagwi kwbangma samabai ni yakumu rok no twiwi kok sakha bidhansabha ni speaker Biswabandhu Sen. Bo teibu sakha, Bharat hakotor ni kwbangma haste rok samabai ni bising twi bwskango agugwi tongo. Samabai ni bising twi joto ni sai hamkrai wngwi tongo Gujarat, Rajasthan, Maharastra. phainai 2024 bisi ni bisingo hakotor ni GDP no 5 Trillion dollor swnamna no twiwi sak tharwi samung khwlaiwi tongo Bharat. Oh jorai tabok haste haphang tei kendra haphang ni chubachu bai Tripura haste ni samabai rok no sakao twlangna bagwi chaitogwi tongo. Samabai samitini no teibu bwskango twlangna bagwi tangsalni songchajak pandao manjakha Dharmanagar ni MLA eba bidhansabha ni speaker Biswabandhu Sen.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
