Bharat hakotor o salno mwtai rimani mung wngkha Chath mwtai. Hindu Bihari dopha ni lukorog oh mwtai no palaiwi tongo. Salbwri ramwi songchajakha o mwtai. Hakotor rwgwi ni palaijagwi tongo oh ter. Koktisalo hakotor ni logi logi haste o bo palaijakha oh mwtai. Asalo Agartala municipal corporation ni luajimung bai haste ni joto ni sai kotor chath mwtai palaijakha aulini khejur bavan ni Ranir pukur o. Asalo kwbangma amchaini lukorog bo phaiwi manjakha hinwi saimankha. Puila poskinio thangwi Sal mwtai no satarai sago, aboni logi narika tei khomrok riwi Sal mwtai ni thani surijago. Asalni mwtai rimao thangwi manjakha haste haphang ni chief secretary JK Singha, salthang hangkhor ni achukphang Vishal Kumar. Asalo koktwma thumnai rok ni bising twi haste ni joto lukorog no sal mwtai ni bagwi kha kaham tei hamjakma yapharkha borok. Asalni pandao mwtai rina phainai Bihari dopha ni khorok sa borok sakha, oh mwtai belai no kwthar tei belai no nangkukmani. Hakotor ni phataro bo Hindu Bihari dopha ni lukorog borom riwi no oh mwtai khwlaiwi tongo.Asalni pandao Ranirpukur o songchajak ter o mwsalaikha kwbangma lukorog. Haste ni kwbangma thaio bo hohom dodom khwlaiwi palaijagwi tongo oh mwtai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
