Chasalo 9-Banamalipur mondol ni Horijon colony ni 23 no ward ni luajimung bai pradesh BJP ni president Rajib Bhattacharya ni hamkrai ni bagwi bhaifota panda khwlaijakha. Bodol ni bwrwi members rok Rajib Bhattacharya no fota pholwi bini ayo kolokni bagwi surikha. Bhaifota pholmani panda paimani yagulo koktwma thumnai rok ni bwskango pradesh BJP ni president Rajib Bhattacharya sakha, Diwali ter paimani yagulo Bhaifota palainani raida tongo Sanatan Dharmao. Bahanojwk ni hamjakma manwi belai no kha tongthokjakha bo. Joto no kwthalaiwi ‘ek Tripura, Shrestha Tripura’ swnamnani bagwi saktharwi samung khwlaiwi tongo hinwi sakha BJP ni haste president Rajib Bhattacharya. Oh kwthar ni salo bahanojwk sngno chubachu tei safety ni bagwi swmai tangkha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
