Hakotor ni joto lukorog ni bagwi jora jorao kwbangma projects phiyogwi tongo kendra haphang, kendra haphang ni joto projects rok no haste ni joto lukorog ni nog nogo sagwirwina bagwi no bisi sa swkang ‘nog brom brom kaham naikolmung’ samung bwtang chengsawi rikha haste haphang. Takwlai bisi o bo hai no hai nog brom brom kaham naikolmung ni samung bwtang panda chengsana thangwi tongo haste haphang. Thanai 15 november ni salmario haste ni montri okra Dr. Manik Saha ni yak ramwi nog brom brom kaham naikolmung samung bwtang chengsajakha. Ah samung bwtangno bahai khe mwkthang khwlaiwi mano abono twiwi no chasalo Agartala municipal corporation ni conference hall o kaisa koklam panda songchajakha. Asalni pandao manjakha Agartala municipal corporation ni mayor Dipak Majumder, deputi mayor Manika Das Datta, municipal corporation ni commissioner Shailesh Kumar Yadav, municipal corporation ni MIC members rok, kwbangma ward ni corporator no khobui municipal corporation ni kubuni adongrok. Asalni panda paimani yagulo koktwma thumnai rok ni bwskango mayor sakha, hakotor ni lukorog ni bagwi 50 thousand ni sai kwbang projects no phiyogwi rikha kendra haphang. Kendra haphangni joto projects ni sep sap rok bwswk jora twi lukorog manwi tong, tei joto projects no lukorog ni nog nogo bahai khe sagwirwinai abono twiwi no koklam salaikha borok. Khursathai kwlaio phainai 30 november jora haste o cholinai kendra haphang ni Bharat songkalp yatra tei 2024 bisi ni january jora cholinai haste haphang ni nog brom brom kaham naikolmungni samung bwtang panda.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
