Haste ni topsilijati hamkrai ni bagwi kwbangma samung bwtangni yapri naharkha haste haphang. Haste ni tham chi bwri topsilijati lukorog ni thani, kendra haphang tei haste haphang ni kwbangma projects ni samung bwtangrok bwswk jora twi sagwikha tei bwswk jora twi mwkthang wngwi tong aborok no cherwi naina bagwi no chasalo haste ni maalmata hamkrai tangbedekni luajimung bai Agartala ni Gurkhabosti o topsilijati hamkrai ni bagwi kaisa panda songchajakha. Asalni pandao montri Sudhangshu Das sakha, haste ni topsilijati lukorog ni hamkrai ni bagwi haste haphang tei kendra ni bwkhak twi kwbangma projects phiyogjakha, ah projects ni sep sap bwswk jora twi lukorog manwi tong, tei topsilijati bosongni lekha swrwngnai rok haphang ni bwkhak twi rahorjak Scholarship Award bwswk jora twi manwi tong, tei Scholarship Award rimao mungsaswk jwngjal rok da tong aborok no cherwi naikha asalni pandao. Abono karwi bo swkangni koklam panda o je target set khwlaijakha, ah target bwswk jora twi mwkthang wngkha aborok no twiwi bo koklam salainai hinwi sakha montri Sudhangshu Das. Asalni pandao maalmata tangbedekni montri Sudhangshu Das no karwi bo manjakha joto hangkhor ni achukphang tei PWD bedekni officers rok no khobui kubuni adongrok bo manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
