Haste o Bhaifota ni panda belai no khatung khaza ni bising twi palaijakha. Bahanojwk sng bwta sngno fota riwi borok ni hamkrai ni bagwi mwtai ni thani suriwi tongo asalo. Bisi kolokma ramwi no oh bhai fota panda wngwi phaio. Sangrong salo aulini BJP Sadar ni habanogo bhaifota palaikha haste ni mohila morcha ni members rok. Aro manjakha pradesh bjp ni president Rajib Bhattacharya, Agartala municipal corporation ni mayor Dipak Majumder, pradesh BJP ni editor Papiya Das Datta tei Mohila commission ni chairman Jharna Debbarma no khobui kubuni adongrok. Bhaifota paimani yagulo koktwma thumnai rok ni bwskango pradesh bjp ni president Rajib Bhattacharya sakha, Bahanojwk sngni hamjakma manwi belai no kha thongthokha. Bhaifota wngkha Bwta bahanojwk sngni bisingo kaham hamjakmani halok. Pradesh BJP ni editor Papiya Datta ni yak ni fota manwi belai no kha tongthokjakha Agartala municipal corporation ni mayor Dipak Majumder. Asalo bahanojwk sngno chubanani tei safety ni bagwi kok rikha mayor. Asalni pandao mohila morcha ni kwbangma members rok phaiwi manjakha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
