Sangrong salo Ambasa o thangkha Tripura haste ni maalmata tang bedekni montri Sudhangshu Das. Kaitham bedekni officers rok no twiwi Jaharnagar ni Dholai hangkhor ni conference hall o hangkhor-rwk koklam panda khwlaikha montri Sudhangshu Das. Tangbedekni joto jwngjal tei thanai dok chi talo tamo tamo hamkrai ni samung bwtang wngkha aborok no twiwi cherwi naikha bo. Dalbidal bedekni hamkrai ni samung bwtangno khobui phainai salo tamo tamo samung khwlaijaknai aborok no twiwi asalo koklam salaikha borok. Review meeting khwlaiwi sangrong salni sarigo koktwma thumnai rok ni bwskango montri Sudhangshu Das sakha, thanai april talno khobui tabok bai khe wainwi review meeting khwlaijakha Dholai hangkhor o. Dholai hangkhor no bahai khe hamkrai khwlaiwi mano abono bokhorok go toniwi samung khwlaina bagwi koikha montri Sudhangshu Das. Tripura haste o Ahh, toktwi, dod tei mangsa ni jugalmungh kwbang khwlaina bagwi haste ni oh kaitham bedekni bising twi haste ni beker sikla rok no sak baithangno bhachawi manani bagwi bedekni officers rok sak tharwi samung khwlaiwi tongo hinwi sakha montri. Asalni pandao manjakha Dholai hangkhor ni kai dok bidhansabha kendra ni MLA-MLAjwk, Dholai hangkhor ni achukphang Anadi Sarkar tei Nagar panchayat municipal council ni chairpersion no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
