Sangrong salo Chaomanu Mondalni luajimung bai Chailengta hatio kaisa panda songchajakha. O panda o 465 nukhungni 1,121 voters rok kubuni bodol yakarwi BJP bodol ni bana romkha. Asalo borok no bodol ni bana yapharwi lamsogwi naharkha Santibazar amchaini MLA Pramod Reang. Loksobha chongmarini swkang haste ni kebengnai bodol rok ni sipai rok kubuni bodol yakarwi BJP bodol ni bana rommani, o bo kebengnai bodol ni ojama rok ni bokhorok mihimrinai. Tipra motha ni twidulmung bai ADC haphang naikoljagwi tongo. Phiyabha raida no rwgwi mungsa bo samung wngya wngwi tongkha hinwi wansuklaikha. Greater Tipraland ni sanmung Constitutiona o bini raida tongo, phiyabha abo no twiwi kwbangma kenengmung tongo. Tiprasa bosongni lukorog ah sanmungno mankhe belai no hamkrai wngnai, phiyabha abono twiwi haste ni lukorog wansugwi manliya. aboni bagwi tiprasa dophani lukorog tipra motha bodol no puito khwlaiwi manya wngwi tongkha. Borok ni wansukmung Tiprasa bosongni lukorog no hamkrai khwlaiwi manai BJP haphang. Bisi kolokma nwi chi ba bisi ni tecktono pokna bagwi Tipra motha bodol no puito khwlaimani, phiyabha borok tabok phainai by-election ni bagwi kubuni bodol bai kwthalaimano, maniwi hanarwi manya ni bagwi haste ni tiprasa bosongni lukorog BJP bodol ni bana romkha hinwi sakha MLA Sambhu Lal Chakma. Asalo bo teibu sakha, Thansa chwngno phwrwngna nangya, tipra motha no thansa ni ringmung chwngse phwrwngo. Bharat hakotor ni montri bokhorok Narendra Modi se puila slogan rio Sabka Sath Sabka Bikash, eba joto no logi twiwi BJP bodol ni hamkrai khwlaimani samung bwtango bwskango twlangnani. Joto no logi twiwi samung khwlaimani no thansa. Jerok kaisa dopha no twiwi simi kok sao borok wngkha 2 numbari. Asalni panda o haste ni kotor kebengnai bodol eba tipra motha bodol no kwrak khwlaiwi kolkha MLA Sambhu Lal Chakma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
