PM kishan yojna bisingtwi bharat hakotoro 8 crore hukbar khwlainai rogni account oh 18 thousand rang deposite khwlaijak kha montri bokhorok modi ni bwkhaktwi. Pm kishan yojna ni bwkhaktwi phil chiba ni kisti rwkgwi digital raida rwkgwi kwbangma rang hukbar khwlainai rogno rijak kha. Pradhan montri Kishan samman niti wngkha bharat haphangni kaisa flagship scheme, amo hayungni jotonisei kotor scheme rogni bisingo kaisa. hukbar khwlainai rogni nangma rogno chubachu rina bagwino 2019 bisini simi oh sep naharkha montri bokhorok modi. hakotorni GDP ni kaisa kotor bwkhakno hukbar khwlainai rogni phaisingtwi phaio. aboni bagwi hakotorni hukbar khwlainai rogno chubachu khwlaiwi tongo montri bokhorok modi. aboni bagwi tal thamni kisti wngwino 6 thousand rang hukbar khwlainai rogni account rijakgo. hakotorni joto hukbar khwlainai rogni logio tripura hasteni 22 thousand 995 jona hukbar khwlai rogni account oh swrang salo montri bokhorokni bwkhaktwi rang rohorjak kha. sangrong salo kaisa kokthum pandani bisingtwi oh rogno swrai swrai sai khwna rikha hasteni hukbar tang bedekni montri Ratan Lal Nath. 2023 bisio hasteo vote rinai lukurogni mari bangkha. 2018 bisini bidhansabha chongmarini sei 2023 bisio chongmario tei 12 % kwbang voter rog vote rikha. Ah salo dophani siklarogno vote rina bagwi kha thangsa rikha. hukbar khwlainai rogni bagwi aswk samung khwlaiwi chubachu rima bagwi ah salo montri bokhorokno hambai yaphar kha hasteni hukbar montri Ratan Lal Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
