Sangrong salo salgwra Tripura hangkhor ni Churaibari thanani OC Samaresh Das ni chaitokma bai khungsa lory manlkhungo 40 lakh rangni sidi kwran romkha. Aboni logi malkhung chaloknai Narayan Chandra Sarkar no bo romkha hinwi saimankha.Bini nog AD Nagar ni Batrapukur amchaio hinwi saimankha. Sangrong salo Churaibari thanani OC Samaresh Das ni thani koktwma sokphaikha je, haste ni khungsa malkhung kupulung sidi kwran phatar haste o twlangwi tongo. Ah koktwma no rwgwi no police officers rok no twiwi Assam-Agartala lahar ni checking-point o naicherna chengkha OC Samaresh Das. Aboni ola khungsa lory malkhung belai no dowi phaimani bagwi, police rok wansukkha oh malkhungo wngwi mano phekjaknai manwi. Aboni yagulo salgwra hangkhor ni police super Bhanupadh Chokroborty patimung thaio thangwi sagwikha. Sakkhi wngwi bini logi tongkha Dharmanagar bwkhaste ni DCM korjaram Reang, Churaibari higher Secondary school ni phwrwngnai Farooq Uddin Chowdhury. Cavin okologo naicherwi 49 packet sidi kwran mankha. Bebagwi 263 KG sidi kwran mankha hinwi sakha Churaibari thanani police. Aboni logi malkhung chaloknai no bo romkha hinwi saimankha. Huijak koktwma ni bising twi phekjaknai manwi phalnai rokno ramwi mankha hinwi sakha salgwra hangkhor ni police super Bhanupadh Chokroborty. NDPS darao mamla khwlaiwi naicherwi tongo Churaibari thanani police. Oh sidi kwran ni hati dor 40 lakh wngano hinwi sakha salgwra hangkhor ni police super Bhanupadh Chokroborty. Phasalo Narayan Chandra Sarkar no dharmanagar ni dorbar nogo tisajaknai hinwi sakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
