1889 bisi ni 14 November o achaikha hakotor ni puila kwcham montri bokhorok Pandit Jawaharlal Nehru. Cherai rok no belai no hamjago bo. Aboni bagwi Bisi brom brom ni 14 November o hakotor rwgwi Sishu Dibas palaijagwi tongo. Hakotor ni logi haste ni kwbangma bwkhaste o bo palaijagwi tongo Sishu Dibas. Aboni wngwi no kwrak salo rwngbedekni luajimung bai Khowai kwtal townhall o haste-rwk Sishu Dibas palaijakha. Asalni pandano chengsawi rikha haste bidhansabha ni hujakphang eba Teliamura bidhansabha kendra ni MLA-jwk Kalyani Saha Roy. Asalni pandao bono karwi bo manjakha MLA Pinaki Das Chowdhury, hangkhor achukphang Joydeb Debbarma, Hangkhor porisad ni member Subrata Majumder no khobui kubuni adongrok. O pandao kok narukna thangwi MLA-jwk Kalyani Saha Roy sakha, Joto cherai rok ni no porinani adhikar tongo, thinangno safety khwlainani adhikar tongo, borok ni hamkrai no bwskango tubuna bagwi no Sishu dibas palaijagwi tongo hinwi sakha. Asalni pandao kwbangma rwngnogni swrrwngnai swrwngnaijwk sng manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
