Haste o belai no hpohon dodom khwlaiwi no diwali ter palaijakha. Abohai khe no Julaibario nukjakha. Asalni Kali mwtaio amchaini MLA eba montri Sukla Charan Noatia no gana manwi belai no khatung khaza wnglaikha amchaini lukorog. Khursathai kwlaio Abangchhera ADC Village o tiprasa bosongni lukorog tongo. Swkangni haphangni jorao amchaini lukorog kirimani bising twi sal par wngwi ma tonglaio hinwi saimankha. Phiyabha Julaibario IPFT-BJP haphang phaimani yagulo amchaini lukorog ni bagwi kaisa kwtal tubuwi phaikha. Tabok amchaini lukorog khatung khaza ni bising twi amchaio tongwi mano hinwi saimankha. Tangsalni Shyama mwtaio amchaini MLA eba montri Sukla Charan Noatia no gana manwi belai no tongthokjakha amchaini lukorog. Sudu mwtaio simi ya hoda hamkrai ni kwbangma samung bwtango bo bwskango phaikha Chwrai Kwtal club ni members rok. Asalo thamchi ba kwrwi nukhungni lukorog no richum bakkha club ni adongrok. Asalni panda paimani yagulo montri sakha, swkango oh amchaio bwlai toklai ni nobar tongmani, phiyabha tabok BJP-IPFT ni haphang phaimani yagulo khorok sa borok tei khorok sa borok no chubachu khwlaina bagwi bwskango phaiwi tongo. Joto borok ni wansukmung rok swlaijakha. Asalni pandao montri no karwi bo manjakha Chwrai kwtal clubni president Megnath Tripura, Secretary Jitendra Tripura, village chairman Mailafru mog, hoda hamkrai khwlainai Sanjoy Tripura no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
