Koktisal eba Diwali ter ni horo Agartala Dhaleshwar road no-3 o tongnai Biplab Deb ni nogo manwi khokjakmani patimung patikha. Rangchak tei 60 thousand rang khokjakha hinwi saimankha. Sabol bai Doga swbaiwi nogo hapkha hinwi saimankha. Patimungni yagulo amchai rwgwi no wanalaijak. Sabo ba doga swbaiwi manwi khogwi twlangkha abono twiwi tabok fano saimanyakhu. Patimungno twiwi naicherna bagwi ongkhorkha Salka thanani police. Aulio salbrom no manwi khokjakmani patimung nukjagwi tongo. Sal kisa swkang aulini Netaji Chowmony ni khorok sa borok ni nogo manwi khokjakmani patimung patikha. Ah nogni borok rok nogo kwrwi sini doga swbaiwi rang tei rangchak khogwi twlangkha aro bo. Ah patimung paiya sini swkangno aulio hai no hai manwi khokjakmani patimung patikha. Aulio abohai khe waire wai manwi khokjakmani yagulo aulini safety no twiwi kwbangma koksilsamung kasakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
