Diwali ter no kitingwi Tripura haphangni bwkhak twi haste ni lukorog kha kaham tei yapharkha haste ni montri okra Dr.Manik Saha. Ama Tripura sundari ni thani joto ni sak kaham tei hamari ni bagwi surikha bo. Koktisalni sarigo puila Anandamoyi maa ni ashram tei aboni yagulo Rabindra Bavan ni logi songchajak Kali mwtai o thangwi manjakha montri okra. Aro bono karwi bo manjakha Agartala municipal corporation ni mayor Dipak Majumder. Asalo Shyama mwtaio lukorog bai baksa malaiwi koklam sakha bo. montri okra sakha, Montri bokhorok Narendra Modi ni twidulmung bai tei maa ni hamari bai Tripura haste ni hamkrai khwlaiwi tongo haste haphang. Phainai salo ‘ek Tripura shrestha Tripura’ swnamnani bagwi Ama Tripura sundari ni thani haste ni lukorog ni hamari ni bagwi surikha montri okra Dr.Manik Saha. Rabindra Bavan ganani Shyama mwtaio manjakmani yagulo aroni simi direct Udaipur ama bario thangnai hinwi sakha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
