Hakotor ni lukorog ni kha-ni kok no khwnana bagwi no ‘Mann Ki Bath’ panda chengsakha montri bokhorok Narendra Modi. Sal kisa swkangno 100 episode wngkha. Tabok bijab swijaknai montri bokhorok Narendra Modi ni ‘Mann ki bath’ panda. Ah bijab ni mung ”Igniting Collective Goodness: Mann ki bath @100”. Oh bijab no sak baithang montri bokhorok Narendra Modi no swikha. Phasalo oh bijab no hakotor ni president Draupadi murmu ni yagu yapharwi rijakha. Phasalo Rastrapati bavan o thangwi Draupadi murmu bai malaikha BlueCraft Digital Foundation ni CEO Akhilesh Mishra, bo president Draupadi murmu ni yagu ”Igniting Collective Goodness: Mann ki bath @100” bijab no yapharwi rikha bo. Oh songstha no montri bokhorok ni bijab no tikhalaikha. Oh bijab no sapokkha Westland Books. Montri bokhorok Narendra Modi ni wansukmungno borom riwi no oh bijab swijakha hinwi saimankha. Hakotor ni lukorog tei phatar hakotor ni lukorog bai bahai khe kwrwngkha aborok no twiwi kok khe no o bijab o swijakha. Tei haphar no naithok tei sap sutra khwlaiwi toninani bagwi, tei Technological development, innovation, tei hoda hamkrai ni kwbangma topic no twiwi bo oh bijab o swijakha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
