pradan montri abhas yojna manairogni kokbai tabok MLA Jadav lal nath no kebengwi pha salo CPIM kalachara amchai committee ni bwkhaktwi kalachara block ni BDO ni thanio kaisa deputation rijak kha. koktwmao saimankha MLA Jadav Lal Nath thangnai sal kisa romwi kalachara ni kwbangma panchayat rogno thangwi pradhan montri abhas yojnao nuk manjak lukurogno dat dati sal thamni bisingo nuk tangma samung pairina bagwi jobordosti khwlai tongo hinwi. tei sal thamni bisingo nog tangma smaung pai rioi manya hinkhe haphangno teisa rang phirokgwi ma rinai hinwi MLA Jadav Lal Nath lukurogno dumrog kha hinwi sakha deputation rinai lukurog. pha salo sak baithangni khokbaino omo hai kokrogno areng hinwi sakha MLA jadav Lal Nath. pradha montri abha yojan manai rogni bisingo kalachara amchaino jotoni sei kaham amchai swnamna bagwi belaino sak tharwi chaitukgwi tongo blokc ni BDO . phiya baksa baksa lukurog nog tangna bagwi ran man phano nog tangya wngwi samung bathakrio tonijak. ah jorao amchaini MLA ni thani chuba chu sankha BDO. pradhan montri abhas yojna ni sep manai lukurogno dati dati jorani bisingo samung pairina bagwi simi sakha phiya rang phirokgwi ma rinai hinwi MLA Jadav Lal Nath ma saya kho hinwi sakha baithangno oh kok sakha MLA .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
