Phasalo aulini Rabindra Bavan o ‘ National Ayurveda Day’ palaijakha. O panda no phiyogwi rikha haste ni thwng bedekni montri Tinku Roy. Hakotor ni swrwngnai hoda tei hukbar hoda no ayurbedic no hujak khwlaina bagwi kwbangma nangkukmani yapri naharkha. Hakotor rwgwi no palaijagwi tongo ‘National Ayurveda Day’. Hakotor ni hukbar rok bahai khe ayurbedic no samungo phwnangwi mwikhuntung kaham khwlaiwi mano, tei bahai khe yongsa kuksa rok no mwikhutungni hakchal khwlaiwi toniwi mano aborok no twiwi sakhwlaijakha. Abono karwi rwngnogni swrwngnai swrwngnaisng bahai khe ayurbedic no samungo phwnangwi borok ni sak tei kha-no kwchang khwlaiwi toniwi mano abono twiwi kaham no yakumu rwjagwi tongo. Ayurbedic no twiwi haste ni dalbidal rwngnogo sakham camp khwlaijagwi tongo. Ayurbedic ni kaham kok no kokpirna bagwi thanai bisi sa bisi nwi ramwi sak tharwi samung khwlaiwi tongo haste haphang. Paradise chowmony o 50 bed ni kwtal building swnamkha. Joto ayurbedic ni bithi berem rok sak hamya rok no magwna rijagwi tongo. State Ayurbedic Hospital o magwna Lipid profile, Complete blood count, sugar, Creatinine no khobui thwi porikha bo khwlaijagwi tongo. Haste o sal kisa ni yagulo no chengsajakna thangwi tongo 38 Ayush Health and Wellness Centre. Jirania, Dukli tei Mohanpur R.D Block ni bwskango chengsajakna thangwi tongo Ayush gram projects. Abono twiwi swbai sukurwbwi sai khwna rikha montri Tinku Roy. Phasalo aulini Rabindra Bavan o ‘National Ayurveda Day’ no kitingwi songchajak pandao manjakha Tripura haphang ni sakham tei nukhung hamkrai bedekni secretary Dr. Sandip R Rathore, nukhung tei beram bedekni tangphang Dr.Anjan Das, medical education bedekni tangphang profesor HP Sharma, National Health Mission ni Director DK Chakma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
