Tiprasa sikla rog salbrumno mungsa ya mungsa patimung langmchujakgwi tongo. Salkaisa bo koroya siklarog hamya patimungo kwlaimani. Tabok omo haino tei kaisa belaino kha khamjaknai koktwma kwsai phaikha. Lori chakka tolao pherejakgwi patimung thaiono langma arikha khoroksa siklani. Patimungo sangrong salo teliamura town hall gana assam to agartala high way lamao. Thwi thangnai sikla ni mung Rustam Debbarma. Koktwmao saimankha Assam to agartala thangna lamao khungsa Lori malkhung tei khungsa Scotty malkhungbai accident wngo. Patimungo Lori malkhungni chakka tola Scotty chaloknaini bokhorok pherejakgo. Lagi logino Patima thaino langma arikha pherajaknai sikla ni . Patima thaio thangwi thwinaini mang kwthwino sakham nogo twlangkha hor bwtharnai birindiya rog. Patimungni koktwma manwi mwktwi bai kungtwibai wnglai kha thwinai Rustam Debbarma ni nukhung ni borokrog. Sikla bwsano kwmjakgwi kha khamlaijak kha borog. Koktwmao saimankha accident wngma yagulo Patima thaino kharwi thangkha ah container lori malkhung chalok nai. Phiyaba huwai bari naka checking khwlaio manjak kha malkhung chaloknai Enamul Huq tei bini logi tongnai Sahej Abdulah . Romjaknai khorok neino Assam hasteni hinwi koktwma saimankha. Sangrong salo omo hai patimungni bagwi kha khamsajak amchaini lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
