Lal Krishna Advani ni 96 bisi achaima salno kitingwi bono kha kaham tei hamjakma yapharkha hakotor ni montri bokhorok Narendra Modi. Aboni logi Advani ni kubui tongmani tei sacrifice ni kok rok no swikha montri bokhorok. Aboni logi bini ayo kolokni bagwi bo surikha bo. Swrang salo social media ni bising twi post khwlaiwi rikha bo. Bo swikha, Lal Krishna Advani ni samung khwlaimani doro rok chwng joto no swrwngna nango. Hakotor ni hamkrai ni bagwi sak baithangno chupokkha bo. Bini yakumu ni bagwi no hakotor ni bosong rok teibu kwrak wnngo. Bini twidulmung bai dopha no thansa khwlaiwi bwskango agugwi twlangwi mankha. Aboni logi hakotor ni bosongno kwrak khwlaina bagwi bini je samung khwlaimani doro rok, abo hakotor ni lukorog no kha thangsarinai hinwi sakha modi. Montri bokhorok ni logi Lal Krishna Advani ni 96 bisi achaima salo bono kha kaham tei hamjakma yapharkha union home minister Amit Shah. Advani wngkha joto BJP ni ojama tei sipai rok ni bagwi sal hinwi sakha bo. Lal Krishna Advani ni achaima salno twiwi social media o post-khwlaikha union home minister Amit Shah. Aboni logi bodol no thansa khwlaiwi twimungo bini yakumu belai no tongo. BJP bodol songchajakmani ni simi haphango phaimani jora Advani ni yakumu rok no twiwi kok sakha swikha Shah. Aboni logi Advani ji ni ayo kolokni bagwi mwtai ni thani surikha home minister Amit Shah.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
