Haste o bjp haphang khamani yagulo Transparent, corruption-free administration swnamnani bagwi kobokkha haphang. Phiyabha haphang corruption-free administration swnamnani naiphano, yakchu bodol bai gwdaljak khorok sa khorok su sebok rok ni bagwi no tini ni salo ghos chawi haphangno kali phwnangwi tongo borok. Borok hai sebok khwlainai rok ni bagwi no haphangni mung hamya wngwi tongo. Abohai no kaisa mangpili nukjakha Boxonagar amchaio. Ah borok wngkha Boxonagar Tahsil ni Tahsilder Sankar Das. Hasteo haphang swlaijakmani yagulo no o tahsilder bini samungni moila no huina bagwi BJP bodol ni bana ramwi kha. Dalbidal hamya raida bai tongkosong lukorog ni duccument ni simi chengsawi jaga sumani no khobui kwbangma samung bwtangni lakh lakh rang chamani koksilsamung kasakha bono kebengwi. Income certificate, PRTC khwlaimao verification ni bagwi signature naharmanio bono rang ma rio hinwi koksilsakha tongkosong lukorog. Tabok tongkosong lukorog Tahsilder Sankar Das no kebengwi bwskango phaikha hinwi koktwmao saimankha. Rangni bagwi khorok sa ni jaga no tei khorok sa borok ni mungwi bo jaga ni mung khwlaiwi rio hinwi koksilsamung kasakha. Khursathai kwlaio Kolsimura gram panchayat bai khobjak block tila amchaini Kalyani Rani Sarkar tei Fakir chand Das ni 1.5 kani jaga segwi nakha Tahsilder. Ah jaga Kalyani Rani Sarkar ni bwkra Upendra Sarkar, 70 years swkang amchaini khoroksa chakra Sultan Mia ni yak ni paiwi nakha. Ah jaga Upendra Sarkar ni tongthai nog tongmani. Tei baisa bwkhak Anjali Rani Das bwkra Upendra Sarkar ni logi 9 gonda jaga paikha ah jorao. Belai bolong kothok wngmani bagwi gana gini ni luko kwbang tongmani thaio thangwi nog khwlaikha borok. Amchaini khorok sa chakra Nuru Mia bo sakha, oh 1.5 kani jaga Sultan Mia ni yakni Upendra tei Anjali no angno paiwi rio. Phiyabha ah jaga tabok bahai khe Tahsilder Sankar Das ni mungwi wngkha abono twiwi saimanya hinwi sakha bo. Ah chakra sakha, fake documents swnamwi fano segwi mano oh Tahsilder. Upendra tei Anjali thwimani yagulo Upendra ni bwsala Narayan Sarkar tei bihik Kalyani Sarkar tei Anjali ni bwsala Fakir chand songno chukya nogwi sikiri sokoro khwlaiwi bini mung khwlaiwi nakha tahsilder. Amchaini lukorog koksilsakha Tahsilder Sankar Das khorok sa jaga ni mafia hinwi. paithago chukya wngwi khungnwi nukhungni borok rok hangkhor achukphangni thani thangwi sagwikha hinwi koktwmao saimankha. Tabok abono nainai je hangkhor achukphang oh jaga no manani bagwi haa bugra no bwswk jora twi chubachu khwlai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
