Haste ni kwbang ma thana o dal bidal dorbar no twi tal sa romwi police ni naikol mwng ni simi paithago kwrak salo along nogo thang kha Saikat talapatra.sal dok ni police ni naikol mwng ni ulo bania khwlai nai Ashfaq Patel ni sal thang thana o rwjak mani dorbar o samwng hamya khwlai nai Saikat talapatra no 16 november sal mari jora along nogo rohor kha adalat ni bwkhaktwi.phya ba cherwi naikolnai police officer Saikat talapatra no along nogo tong mani jora o swng mwng khwlawi man nai.phiya ba haste police ni crime branch ni yago tei kaisa dorbar bo tong o hwnui sakha adalat ni bwkhaktwi. kwrak salo naikol mwng ni kobok mwng ni ulo saklai jak nai hwnui sakha adalat ni bwkhaktwi. phiya ba Saikat talapatra no ah dorbar o 13 november salmari jora along nogo tongna bagwi gosimwng rwkha adalat.abo no karwi bo bini phasing dal bidal thana o kwbangma dorbar ni bagwi 16 november jora agini simi no along nogo rohor jak kha. lai thanai 6 october bono phatar haste ni simi romwi tubmani ulo sal nwi romwo Saikat talapatra no jail o tonmani.abo ni ulo kaisa ni ulo kaisa dorbar o cherwi naikol nai motha tal sa romwi bono police ni naikol mwng o swng mwng khwlai kha.samwng hamya khwlai nai no swng mwng khwlawi bank account tei phone call recore naiwi tripura police je information mankha aro rogo teibo khorok nwi khorok tham bania khwlai nai ni mwng rok bo kasai phaikha.abo hai khe no saklai kha hapang ni bwkhak twi samwng khwlai nai lawyer Samrat kar bhowmik. abo ni logi bo teibo saklai kha, Saikat talapatra kolkata ni je nogo bhara tongmani ah bhara nok ni simi bo use khwlai mani electronic gazette bai kwbangma news rok khwlai o, abo rok bo naitugwi mankha police. teibo kai nwi kai tham thai rok bo naitug mwng khwlawi mankha police, aro ni studio no use khwlawi news khaiwi publish khwlai mani,ah thai rok ni je nokphang tong o borok no bo police swng mwng khwlai nai hwnui sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
