Jora bi baksha khe tabuk ni jora oh joto panda tei dal bidal office,adalat o use khwlai tong kha packaged bottle nung jak nai twi. ah baia khwlawi kisa misa rang ajinai rok administration ni gosi mwng no karwi no dal bidal thai rogo factory khulugwi achugkha. ah factory rogo bwkhaste naikolnai,hangkor naikolnai tei sakham tang bedek ni bwkhaktwi kwrak khe naikol mwng tong o. Valid document kwrui ni bagwi atomsa khe naitug mwng khwlawi salsi hangkor ni belonia,sabrum tei santirbazar ni kai nwi kai tham twi ni factory mwthagwi rwkha haste naikol nai.abo hai khe no kwbangma kok silsamwng kasai phai kha belonia aguli ni Jibandhara twi company ni phasing.kaham khe cherwi naikolna bagwi bwkhaste naikolnai ni song bai borojo colony gana jibandhara twi company o kwrak salo naitug mwng khwlai kha salsi hangkor ni okra naikolnai Dr.Subrata das.valid document da tong, abo rok bo kaham khe cherwi naikha borok.berai naikol mani ulo jiban dhara twi company ni joto valid document no tong o tei naikolnai rok ni gosi mwng bai no samwng khwlai tong kha borok.phiya ba twi bottle o manufacturing and expiry date rwna ni bagwi gosi mwng rwjak kha borok no. Tei khak sa phasing khe,belonia ni khorok nwi khorok tham kokthum thumnai phasing kwrak salo jolilai mwng phunok kha jiban dhara twi ompany ni bwrui samwng khwlai nai rok.swng mwng khwlai na bagwi phawi samwng khwlai nai rok bai hamya samwng rok khwlai kha hwnui kok silsakha. Salsi hangkor gwnagui bwkhaste naikolnai tei sakham tang bedek ni bwkhak twi abo hai khe naitug mwng khwlai mani o kha phurjak sinai nuknai mohol ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
