Haste o pejow ni dor barimani nukjagwi tongkha. Aboni bagwi auli no khobui haste ni kwbangma hatio thangwi naicherwi tongo chamung bedekni officers rok. Haste ni hatio kwbangma pejow tongo, jora jorao phatar haste ni bo pejow tubujagwi tongo. Phiyabha aboni yagulo bo haste ni hatio pejow ni dor bariwi no tongo. Tabok pejow ni dor barimano twiwi kok sakha haste ni chamung bedekni montri Sushanta Chowdhury. Kwrak salo thanglaisu bedekgo Digital transactions service chengsamano twiwi joto no hujak khwlaina bagwi songchajak kaisa kokthum panda o pejow ni dor barimano twiwi kok sakha bo. Pejow ni dor kwbang khwlaiwi phalnai rok no kerong ni bwkhak twi nangkukmani yapri naharjakha tei phainai salo bo abohai no yapri naharjaknai hinwi sakha bo. Phiyabha joto ni bwkhak naina thangkhe, hakotor ni kubuni haste ni hatini sai Tripura haste o pejow ni dor belai no komijak. Guwahati, Kolkata, Delhi, Nasik ni hatio pejow ni dor wngkha 70-80 rupees. Phiyabha Tripura haste o 1kg 65 rupees khwlaiwi phalwi tongmani, phiyabha tabok chamung bedekni chaitokma bai 1kg 55 rupees khwlaijakha. Kubuni haste o pejow ni dor barijak, aboni bagwi Tripura haste o bo kisa misa barinai no hinwi wansukha bo. Tabok haste ni hatio pejow ni dor jeswk tongo, aboni sai bari riya khwlaina bagwi hujak wngwi tongo haste ni chamung bedek. Aboni yagulo bania khwlainai rok bo borok bo chubachu khwlaina bagwi koikha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
