Khung nwi nwkhung ni bising o bari ni ari no twi kokbanglai maoh bwthar jak kha rajakhor aguli ni khejur bagan gowala basti amchai ni tong nai Nagina prasad roy.kwduk ma sal romwi khung nwi nwkhung ni bising o bari ni ari no twi kok banglai tong mani,kokti salni phug ni simi no habar tungphwlai jak,phiya ba dipor jora rogo walai mani teibo kwbang ung kha, abo ni ulo choprob mani o Nagina prasad tei bini nok ni khorok nwi khorok tham loku rok beli khe no sago dukhu man kha, borok no sakham nogo bhorti khwlai mani ulo hor ni dam chuku o Nagina prasad roy umar dok chi ba bisi ni langma arikha. ah pati mwng ni ulo horo teisa habar tungphwlai mani nukjak kha,tei khak sa phasing khe samwng sitra khwlai nai rok pati mwng ni yagulo kharwi thang kha, samwng hamya khwlai nai rok no naitugwi tikhlawi kwrak khe satug mwng rwna ni bagwi bo sanlai mwng khwlai kha nok ni borok rok.amchai ni loku rok thansa ungwi choprob nai rok no riphrigwi borok ni nogo bo thangwi choprob kha. Ah pati mwng no twi kokti sal hor jora khejur bagan gana gowala basti ni habar tungphwlai jak mani nukjak kha, thana o thangwi police ni phasing joli lai mwng phunoklai kha amchai ni loku rok. samwng hamya khwlai nai rok no rom nani sanlai mwng o thana o deputation bo rwkha borok, habar no tong kwchang khwlai nai bagwi kwbang khe nai mwthang bodol bo tikhlai jak kha, tang sal ni phung o bo habar tungphwlai jak gowala basti o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
