Tripura haste ni montri okra Dr.Manik Saha ni twidulmung bai aulini traffic system no twiwi chasalo kaisa panda songchajakha. O pandao naharjak yapri rok no thinango traffic system mo thepajaknai hinwi saimankha. O pandao montri okra no karwi bo manjakha chief secretary JK Singha, Director General of Police Amitabh Ranjan, Nogor unnayan bedekni secretary Abhisheck Singh, montri okra ni secretary Dr.Pradip Kumar Chakroborty, Agartala municipal corporation ni commissioner Dr. Shailesh Kumar Yadav, salthang Tripura bwkhaste ni achukphang Dr. Vishal Kumar, montri okra ni OSD Poromananda Sarkar Banerjee no khobui kubuni adongrok. O pandao montri okra sakha, haste o salbrom no malkhung bariwi tongo, phiyabha lama kaisa no. Aboni bagwi lama kuwar khwlaina bagwi nangkukmani yapri naharjaknai. Traffic jam no komirina bagwi traffic system no teibu kwrak khwlaijaknai. Traffic system o kerongni raida lagogjak rok no teibu kaham khe naikolna bagwi dagikha. O pandao Agartala municipal corporation ni commissioner Dr. Shailesh Kumar Yadav Agartala doly ni parking system no twiwi bo kok sakha bo. Aboni yagulo Traffic police super Manik Das bo traffic system no twiwi kok sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
