Tabokni Digitalize ni jamanao naithokthok light no karwi bo haa ni swnamjak chati swnamjakmani mangpili nogwi tongo. Tabokni jamanao kwbangkuk lukorog no panda rogo electrick light use khwlaiwi tongo, oh jorao no teibu kha-thangsariwi haa ni chati swnamwi tongo kebo kebo. Diwali ni jorao nog nogo no haa ni chati muchungwi tongo haste ni lukorog, abono nasigwi no haa ni chati swnamwi tongo chati swnamnai rok. Chamung nungmung no pogwi chati swnamnanio gwdaljak chati swnamnai rok. Abohai no mangpili nukjakha Teliamura bwkhaste bai khobjak Koroilong amchaio. Ah amchaio tongnai khorok sa chati swnamnai ni mung wngkha Swapan Rudrapaul. Bo sakha, tabokni digitalize ni jamao haa ni swnamjak chati ni sanmung komikha. Aboni logi haa ni chati swnamjaknai manwi khwnwi ni dor bo barikha hatio. Oh haa ni chati swnamwi no nukhung khwlaiwi tongo borok. Phiyabha tabokni manwi khwnwi ni dor barijak hatio khoknwi khwlaiwi kaisa chati phalwi nukhung chaloknani belai no kosta hinwi sakha bo. Phiyabha jeswk fano jwngjal phaidi tafano chati swnammani samungno yakarliya Swapan Rudrapaul.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
