BJP-IPFT haphang lukorog ni hamkrai ni bagwi sak tharwi samung khwlaiwi tongo. Aboni bagwi salbrom no haste ni nangkukmani habanogo thangwi habanogni samung humung rok no kaham kwrwng khe da khwlaijagwi tong, aborok no naikolwi tongo haste ni maalmata hamkrai bedekni montri Sudhangshu Das. Aboni wngwi no Phasalo Sepahijala hangkhor ni ahh bedekni deputi director ni habanogo atomsa khe thangwi naiwikha bo, Kebono saya karwi no aro thangwi sagwikha bo. Aro ni situation no nogwi teibu jolijakha montri. Maalmata rok ni bithi beremni mungsa tal bal kwrwi. Expired wngjak bithi mankha aro. Abohai situation no nogwi teibu thamchi kajagwi habanogni In-charge no kok sungmani yagulo mungsa fano nangkukmani kok phirokmung manya wngwi paithago thamchi kajagwi amchaini MLA Kishore Barman no twiwi bedekni officers rok habanogno tala rina bagwi dagikha montri. Expired wngjak bithi tei bithi beremni tal bal kwrwi ni bagwi aboni joto report Principal Secretary no rahorwi rikha montri Sudhangshu Das. Joto patimungno no kaham khe naicherna bagwi Principal Secretary no dagikha montri. Aboni yagulo oh samungo gwdaljak joto sebok rok no kebengwi kwrak yapri naharna bagwi naimwthang bodol no sakhwlaijaknai hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
