UAE bai Bharat ni halok teibu kaham tei kwrak wngwi tongo. Tabok aro thangwi kholoknai Central Board of Secondary Education ni branch. Swrang salo central education ni minister Dharmendra Pradhan Abu-Dhabi o thangwi o kok no sakhwlaikha. Abono twiwi koktwma thumnai rok ni bwskango Dharmendra Pradhan sakha, Bharat tei UAE ni bisingo halok teibu kaham wngwi tongo. Education tei skill ni no twiwi khungnwi hakotor ni bisingo Agreement wngkha. Bharat ni hukumu rwkjak university sal kisa ni yagulo no UAE o branch kholoknai. Phainai salo teibu University kholokjaknai hinwi sakha. Bharat hakotor ni education minister Dharmendra Pradhan tei UAE ni education minister Ahmed Al Falasi oh agreement khwlaikha. Phainai salo rwng swrwngnai tei phwrwngnai rok ni thangnani phainani no twiwi bo agreement wngkha hinwi saimankha. UAE no Economic hub tei Bharat no Talent Hub mung riwi, khungnwi hakotor thansa khe knowledge hub swnamna naiwi tongo hinwi sakha education minister Dharmendra Pradhan. Khungnwi hakotorni swrwng bedekni bisingo tongnai Consolidation, joint degree tei Dual degree program bo chengsajaknai hinwi sakhwlaijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
