Bwsala no mwtai nainani bagwi osa mwtai kaimani thaio tunui rwina thangwi nogo kiphilliya khungsa nukhungni hamjwk. O patimung patikha Santirbazar thana bai khobjak Subhash colony amchaio. Kwmanai hamjwkni mung Rinku Dey. Tabok sak baithangni bihik no mana bagwi koktwma thumnai rok ni chubachu sankha kwmanai hanjwk ni bwsai. Patimungno twiwi hamjwk ni bwsai sakha, thanai 25 october ni salmario bwsala no twiwi ganani kaisa mwtai ashram o thangna bagwi ongkhorlaimani bwma bwsa, phiyabha bwsala no aro no bathakriwi aroni simi no thangwi paikha oh hamjwk. Jora kwdwkma laimani yagulo oh hamjwk kiphilyani bagwi bwsala gana gini ni borok rok no bini bwma ni kok sungkha bo. Aboni yagulo hamjwk ni bwsai eba oh cherai ni bwpha patimungni koktwma manwi patimung thaio thangwi rutugwikha, paithago bihik no rutugwi manya wngwi thanao thangwi mising diary khwlaikha bwsai. Phiyabha thanao thangwi naimwthang bodol ni bwkhak twi mungsa chubachu manya wngwi paithago koktwma thumnai rok ni thani phaikha oh hamjwk n Asalo Oh nukhungni hamjwk nogni ongkhor phuru rangchak tei rang case twiwi bo ongkhorkha hinwi sakha hamjwk ni bwsai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
