Udaipur tei Dharmanagar wngkha Tripura haste ni bisingo Kali mwtai khwlaimanio joto ni sai mung gwnang thai. Udaipur o salnwi ramwi ter hai khe no palaijagwi tongo Kali mwtai, phiyabha Dharmanagar o salba ramwi hohom dodom khe palaijagwi tongo Kali mwtai. Haste ni lukorog no khobui Assam haste ni Borak Valley amchaini kwbangma lukorog bo Dharmanagar ni kali mwtaio manjakna bagwi phailaio. Haste ni Kali mwtai khwlaimungo joto ni sai mung swnamkha Dharmanagar. Oh Kali mwtai no naithothok tei tongkwchangni bising twi khwlaina bagwi haste ni naimwthang bodol, tei club ni adongrok no khobui swrang salo Dharmanagar ni Vivekananda Bavan o kaisa panda songchajakha. O pandao manjakha Tripura bidhansabha ni speaker eba amchaini MLA Biswabondhu Sen, salgwra hangkhor ni hangkhor achukphang Debapriya Bardhan, salgwra hangkhor ni police super Bhanupadh Chokroborty, Dharmanagar municipal council ni chairman Pradyot Dey Sarkar, amchaini hoda hamkrai khwlainai Shyamal Nath, Dharmanagar ni kwbangma club ni president, editor no khobui kubuni adongrok bo manjakha. Asalni pandao manjaknai rok no kaham khe no naikolkha hangkhor police super Bhanupadh Chokroborty. Dharmanagar o takwlai bisi ni Kali mwtaio osa mwtai ni hai khe no No Entry rijaknai hinwi sakha bo. Osa mwtai ni jorao jethaio No Entry rijakha, ah thaio no kali mwtaio bo No Entry rijaknai hinwi sakhwlaikha bo. Mwtai ni haphar no naithothok tei tongkwchangni bising twi khwlaina bagwi Dharmanagar ni club rok no nangkukmani yapri naharna bagwi dagikha Tripura bidhansabha ni speaker eba Dharmanagar ni MLA Biswabondhu Sen. Kali mwtai o phainai chwla bwrwi rok ni bagwi khitai nog ni sep sap rina bagwi dagikha bo. Shift change khwlaiwi duty khwlaina bagwi Dharmanagar thanani police rok no dagikha bo. Aboni logi phekjaknai manwi nungwi kebo patimung khwlaiya twi, ayang phasingo bo mokol kaisona bagwi sakhwlaikha MLA Biswabondhu Sen. Kali mwtaio DJ sound system rosana bagwi joto club ni adongrok no koikha Tripura bidhansabha ni speaker eba Dharmanagar ni MLA Biswabondhu Sen.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
