ICSE, CBSE, NCERT tei Tripura boardni bijabni main distributor wngkha Gyan sansar. Hakotorni 200 ni sai kwbang rwngnogo no bijab horwi tongo borok. Hakotor ni kwrwiswk lukorog no magwna bijab bo bagwi tongo borok. 1st november eba swrang salo Agartalao gyan sansar ni kwtal branch khologwi rijakha. North-east ni bisingo abono puila gyan sansar ni branch. Swrang salo oh kwtal branch kholokmani pandao manjakha Agartala ni Diocese Bishop Reverend Lumen Monteiro, Holy Cross School ni Reverend Simon Fernandez no khobui kwbangma rwngnogni principal rok. Borokno karwi bo manjakha Bharatiya Janata Party media ni in-charge Sunit Sarkar, ‘gyan sansar’ songstha ni managing director Mukesh Chowdhury, Vivekananda Chowdhury tei Agartala branch ni Chief Wilson Uchoi. Agartala ni joto rwng swrwngnai swrwngnaijwk sngni sep sap ni kok no wansugwi no oh branch no phiyogwi rijakha hinwi sakha songstha ni tangphang Sudhir Upadhyay. Tripura tei North-east ni joto haste ni rwng swrwngnai swrwngnaijwkni swrwngmungno teibu kaham khwlaina bagwi jeswk mansak chubachu khwlainai hinwi sakha gyan sansar songstha tangphang Sudhir Upadhyay. Bihar, Jharkhand, Orissa, Uttar Pradesh, New Delhi, West Bengal, Karnataka, Kerala tei Tripura ni 3 lakh rwng swrwngnai swrwngnaijwk sngno gyan sansar ni bijab poriwi tongo. Sal kisa ni yagulo no Andhra Pradesh, Telangana, Assam, Meghalaya tei Tamilnadu o bo kwtal branch kholoknai hinwi sakha songstha ni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
