Takwlai bisi ni osa mwtai naithothok tei tongkwchangni bising twi no wngkha. Osa mwtaini salo mungsaswk patimung patiya wngthung hinwi no swkangni simi nangkukmani yapri naharkha Agartala municipal corporation ni mayor. Osa mwtaini mangthong khibimani no khobui joto samung bwtangno sak tharwi samung khwlaiwi tongo mayor. Agartala municipal corporation no mung sitra khwlaina bagwi kebo kebo hamya khwlaimani mangpili nukjakha. Kwthar Dasamini yagulo mangthong khibinai rok jetwi khe mano abohai khe no mangthong khibikha aboni bagwi Dasamighat ni belai no hamya tei mangthong rok kofungsawi tongbai, aboni mayor ni phasing kwbangma koksung achaiwi tongkha. Kwrak salo abono twiwi no kok phirokkha mayor. Tei ah twino dakti no kaham khwlaijaknai tei mangthong rok no khochogwi hornani bagwi sal hor sak tharwi samung khwlaiwi tongo Agartala municipal corporation ni mayor tei corporation ni adongrok. Twi ganao tongnai rok ni mungsa bejua wngya twi khe no municipal ni adongrok sak tharwi khwlaiwi tongo hinwi sakha Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
