Engresh rok ni yak ni Bharat hakotor no yoksarina bagwi chuba khwlailangkha kwbangma ha-ni Bir sajwla sng. Ah Bir sajwla sngno muito khwlaina bagwi kwrak salo hakotor ni logi logi haste o bo khatung khaza ni bising twi hakotor yoksamani phil sni chi sni bisi palaijakha. Agartala Assam Rifles ni math o asalni panda palaijakha. Hakotor ni bana tisawi asalni panda no chengsawi rikha haste ni montri okra Dr.Manik Saha. Asalni pandao kok narukphuru montri okra sakha, Haste ni lukorog ni hamkrai ni boyer no bowi tonina bagwi hakotor ni montri bokhorok Narendra Modi ni ‘Sabka sath Sabka Bikash’ ni montro no bwskango toniwi no samung khwlaiwi tongo tabok ni haste haphang. Aboni wngwi no 2023-2024 bisi ni rangthongni budget o kai chi tham, luko hamkrai project ni rang rahorjakha. Haste ni joto lukorog ni hamkrai khwlaimani kaisa map o budget tongo. 2018 bisi o haste BJP haphang khamani yagulo, haste ni hukbar khwlainai rok no chubachu khwlainani bagwi haste ni joto bwkhaste o kaisa khwlaiwi agriculture center swnammani logi, Pradhan montri Kishan Samman-nidi projects 2022-2023 bisi ni rangthongni budget o 2 lakhs 33 thousand hukbar khwlainai rok ni bagwi 148 crore rang direct borok ni bank account o joma kwlaimani logi logi kwbangma projects ni yapri naharjakha hinwi sakha montri okra. Bo teibu sakha, takwlai bisi ni budget bising twi haste ni rwng bedekno teibu hamkrai khwlainani bagwi haste haphang phainai bisi ba ni bisingo 2 thousand crore rang lagugwi haste ni 400 rwngnogno PM Shri Vidyajyoti projects bai khobjak tabok ni modern rwngnog khwlainani yapri naharkha hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
