Tripura ni kwtal Governor wngwi phainai swrang salo swmai tangna thangwi tongo Indrasena Reddy Nallu. Kwrak salo haste no yakarwi thangkha Tripura ni kwcham Governor Satyadev Narayan Arya. Asalo Raj Bavan o bono bidai janokna bagwi thangwi sagwikha haste ni montri okra Dr.Manik Saha, bono karwi bo manjakha haste ni minority ni montri Sukla Charan Noatia, no khobui kubuni adongrok. Asalo Raj Bavan o Governor no Guard of Honour janukha Tripura state riffles ni sengkrak rok. Asalo Governor no bidai janokna phaiwi koktwma thumnai rokni bwskango kok sana thangwi montri okra sakha, kwcham Governor bidai naharkha, kwtal Governor no phainai, abono kerongni raida. Tei Bidai janokphuru Governor ni ayo lokna bagwi mwtai ni thani surikha bo. Khursathai kwlaio Tangsalo Raj Bavan o kaisa panda ni bising twi Tripura haphang ni bwkhak twi Governor Satyadev Narayan Arya no bidai janokjakha. Asalni pandao khom bochop tei kwbangma manwi khwnwi riwi Governor no bidai janokkha pandao manjaknai nogorai okra sng. Asalni pandao manjakha haste ni montri okra Dr.Manik Saha, Tripura swnamkhor bedekni montri Santana Chakma, Surjyamani nagar ni MLA eba bidhansabha ni deputi speaker Ramprasad Paul, salthang hangkhor ni police super Kiran Kumar K no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
