Kwthar Dasami ni salo joto no kha kaham tei hamjak yapharkha hakotor ni montri bokhorok Narendra Modi. Kwrak salni phungo social media ni bising twi kwthar dasamini kitingwi joto no kha kaham yapharkha bo. Kwrak salo Hakotor rwgwi no palaijagwi tongo kwthar Dasami. Salbwri kwthwi langka o tongmani yagulo Uma bini nukhungni borok rok no twiwi Sargao thangwi tongo. Kwthar Dasami ni salno karwi hakotor rwgwi palaijaknai Dasera bo. Delhi no khobui kwbangma thaio no Rabon ni mangthongno sokjaknai. Kwrak salni phungni simi no kwthar Dasami tei Dasera ni kha kaham yapharwi tongo montri tei MLA rok. Asalni phungo montri bokhorok Narendra Modi no karwi hakotor ni union home minister Amit Shah bo hakotor ni joto lukorog no kwthar dasami tei Dasera ni bagwi kha kaham tei hamjakma yapharkha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
