Salnwi ni yagulo no wngna thangwi osa mwtai. Osa ni salo haste ni lukorog mwtai nailaio tei kaham kaham chamung chalaio. Phiyabha mwtai ni salo fast-food rok chafano Dasami ni salo ahh no karwi dasami wngya, Aboni bagwi no haste ni lukorog ni kok no wansugwi kaisa kaham yapri naharkha haste ahh bedek montri. Swrang salo kaisa kokthum panda ni bising twi haste ni ahh bedekni montri Sudhangshu Das sakhwlaikha je, Dasami ni salo eba 24 october ni salo haste ni joto lukorog no kom dor bai ahh paiwi chawi manani bagwi haste ni nwi chi ba thaio ahh phalnani yapri naharkha. Dalbidal ahh ni collection khwlaijaknai hinwi sakha bo. Aro joto ahh no manthoknai hinwi sakha montri. Haste ni ahh hukbar no teibu hamkrai khwlainani bagwi thanai 12 october ni salo kendra haphangni ahh bedekni montri bai koklam salaikha haste ni ahh bedekni montri Sudhangshu Das tei bini adongrok. Oh malaimungo haste ni poskini rogo kaham khe ahh hukbar khwlaimani bagwi tei Udaipur ni Fishery training center no Fishery training Institute khwlainani bagwi kok sakha haste ni ahh bedekni montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
