Haste ni lukorog sak no twiwi jeswk hujak wngnai, aswk no beram ni yakni kagwi manai. Aboni bagwi no lukorog sak no twiwi teibu hujak wngna nango. Koktisalo Borjola bidhansabha bai khobjak 4 no ward ni luajimung bai kaisa sak naijakung panda songchajakha. O panda o thangwi manjakha haste ni pradesh BJP ni president Rajib Bhattacharya, Agartala municipal corporation ni mayor Dipak Majumder, BJP ni kwcham MLA Dr. Dilip Das no khobui kubuni adongrok. Asalo kok narukna thangwi mayor sakha, kwbangma jwngjal ni bagwi sakham nogo thangwi sak naijagwi manya haste ni kwbangma lukorog, aboni bagwi haste ni beser beser ni lukorog no sak naijaknani sep rina bagwi no abohai sak naijakmung panda khwlaijagwi tongo hinwi sakha bo. Jeswk sak naijakmung panda wngnai, haste ni lukorog ni sak aswk no kaham no wngnai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
