Hukbar khwlainai rok no chwngno mai charinai. Borok ni kolomtwi khikalaiwi samung khwlaimani bising twi no 140 crore lukorog chamung manwi tongo. Jora swlaijakmani logi logi chwngbo belai no bwskango phaikha, phiyabha chwng mai hai tei mungsa chamung bo swnamwi manyakhu. Mai chaya karwi chwng joto no tongwi manya, Aboni bagwi hukbar khwlainai rok kwrwi hnk, chwng bokolono oh hayungni kwmawi thangkhamo. Phiyabha borok ni dartwi tini chwng joto no salo waitham mai chai manwi tongo. Aboni bagwi no hukbar khwlainai rok no hambai tei borom yapharkhana bagwi phasalo Parliament o kaisa panda songchajakha Bharat hakotor ni vice-president Jagdeep Dhankhar. Asalni panda o Hariyana haste ni hukbar khwlainai rok no borom yapharmani logi logi kwbangma topic no twiwi hukbar khwlainai rok bai koklam salaikha montri rok. Asalni panda o manjakha Hariyana haste ni hukbar montri Joyprakash Dalal, Tripura haste ni kwcham montri okra eba rajyasabha ni MP tei Hariyana haste ni Pravary Biplab Kumar Deb no khobui kubuni adongrok. Bharat hakotor ni vice-president Jagdeep Dhankhar asalni panda o kok narukna thangwi Tripura haste ni kwcham montri okra eba rajyasabha ni MP eba Hariyana haste ni pravary Biplab Kumar Deb no twiwi khok kaham sakha. Bo teibu sakha, Tripura haste ni kwcham montri okra eba rajyasabha ni MP eba Hariyana haste ni pravary Biplab Kumar Deb ni sinimung aswk jorao no paiyakhu, bini tei kaisa sinimung tongo, abo wngkha hukbar khwlainai rok ni Well-wishers. Tamoni hnk rajyasabhao bo hukbar khwlainai rok ni hamkrai ni bagwi no koklam sawi tongo. Hukbar khwlainai rok ni soi soi sebok wngkha bo.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
